Tumhare shehar ka Mausam bara suhana lage
Mein ik sham chura lon agar bura na lagay!
Jo doobna hai to itne sakoon se dubo
Keh aas pas ki lehron ko bhi patah na lage
Tumhare bas mein agar ho to bhool jao hamein
Tumhein bhulane mein shayad hamein zamana lage
Na jane kia hai kisi ki udas aankhon mein
Woh munh chupa ke bhi jaye to be wafa na lagay
Hamare pyar se jalne lagi hai ik dunya
Dua karo kisi dushman ki bad dua na lagay
No comments:
Post a Comment